पुणे : आंतरराष्ट्रीय पालक दिनाचे औचित्य साधून ‘तुम्ही-आम्ही पालक’ मासिकाच्या वर्धापदिनानिमित्त डीपर व सर फाउंडेशनतर्फे देण्यात येणारा ‘महापालक सन्मान २०१७’ सामाजिक कार्यकर्ते डॉ. राजाभाऊ व रेणू दांडेकर यांना प्रदान करण्यात येणार आहे.
या वेळी प्रमुख पाहुणे म्हणून ज्येष्ठ सामाजिक कार्यकर्ते डॉ. विकास आमटे, पुण्याच्या महापौर मुक्ता टिळक आणि ज्येष्ठ पत्रकार डॉ. उदय निरगुडकर उपस्थित राहणार असल्याची माहिती सर फाउंडेशनचे संस्थापक हरीश बुटले यांनी दिली.
त्याचप्रमाणे डीपर व सर फाउंडेशनतर्फे परिसंवादही घेण्यात येणार आहे. याचा विषय ‘लोकसहभागातून ग्रामीण भागातील शाळांसाठी सुविधा उभारणे काळाची गरज आहे का?’ असा असून, पोपटराव पवार, डॉ. रवींद्र कोल्हे, इंद्रजित देशमुख, प्रदीप लोखंडे, अॅड. उदय वारुंजीकर, यजुवेंद्र महाजन, ईश्वरलाल परमार हे वक्ते असणार आहेत. परिसंवाद कोथरूडच्या जे. पी. नाईक प्रशिक्षण केंद्रात सकाळी साडेदहा वाजता होणार आहे.
सन्मान सोहळादिवस : रविवार, २३ जुलै २०१७
वेळ : सायंकाळी साडेचार वाजता
स्थळ : लोकमान्य सभागृह, केसरीवाडा, नारायण पेठ, पुणे